På samisk
Sámegiellaj:
Sáme allaskåvllå, Hábmera suohkan/Hamarøy kommune ja Sáme Låhkåmguovdasj ájggu aktan barggat julevsáme mánáj ja nuoraj oahppambirrasav nannimin julevsáme profijllaskåvlå åvddånime baktu. Vijddásappot ájggop sihkarasstet ahte julevsáme máná ja nuora oadtju ådåsmahtedum oahpponævojt ja jut sijá riektá kvalitatijva buorre åhpadibmáj sihkarassteduvvá aktan julevsáme guovlon máhtov låpptit.
Vehi dåbbelin sihti aktisasjbarggoguojme viehkedit váj Sáme allaskåvllå ja Sáme Låhkåmguovdásj ållidi ietjasa sebrudakmandáhtav julevsáme sebrudagán ja nanni ietjasa dåjmav julevsáme guovlon. Vijddásappot ájggu aktisasjbarggoguojme nannit julevsámegiela máhtudagáv ásadusájn ja sebrudagán, ja nannit julevsámegiela dilev sihke rijka ja rijkajgasskasasj dásen. Aktisasjbargos galggá sjaddat sierra fáhkabirás sáme oahpponævvoåvddånahttemin julevsáme guovlon, ienep julevsáme oahpponævo ja alla kvalitiehtta julevsáme giellaåhpadimen vuodoskåvlån.
Sáme allaskåvllå ja Sáme Låhkåmguovdásj doarjju fágalattjat ja háldadusá bieles julevsáme oahpponævvo- ja máhtudakåvddånimev, julevsáme profijllaskåvlåv ja ietjá vuogas dåjmajt ma máhtti lasedit julevsámegielagij lågov. Sáme allaskåvllå ájggu viehkedit máhttolåpptimij ja åvddånibmáj duola dagu bájkálasj oahppofálaldagáj ásadime tjadá duola dagu julevsámegielan, oahpponævvopedagogihkan ja duojen.
Árran Julevsáme Guovdásj vásstet julevsáme dávvervuorká ja giellaguovdásjdåjma åvdås. Aktisasjbarggoguojme sjaddi ávkken gávnnat máhtudagáv ja værmástagáv mij Árranin la ja Árran sjaddá guovdásj aktisasjbarggoguojmme Hábmera suohkanij, Sáme allaskåvllå ja Sáme låhkåmguovdátjij gå ájggu dievnastusájt ja oahppofálaldagájt åvddånahttet julevsáme guovlon, daj gaskan aj dåjma ma julevsáme oahpponævvoåvddånahttemav nanniji.
Aktisasjbargo badjásasj ulmme la tsieggit buorre aktisasjbargov mij bissu ja jut máhtudahka mij tsieggiduvvá aktisasjbargo tjadá, tsieggiduvvá bájkálattjat julevsáme giellabirrasin ja sajájduhteduvvá ásadusáj organisasjåvnåjda.
På norsk
Sáme allaskåvllå/Samisk høgskole, Hábmera suohkan/Hamarøy kommune og Sáme Låhkåmguovdasj/ Nasjonalt senter for samisk i opplæringa vil samarbeide om å styrke lulesamiske barn og unges læringsmiljø gjennom arbeidet med å utvikle en lulesamisk profilskole. Videre vil vi sikre lulesamiske barn og unges tilgang til oppdaterte samiske læremidler og rett til en kvalitativt god utdanning, samt kompetanseutvikling i det lulesamiske området.
På sikt ønsker partene å bidra til at Sáme allaskåvllå og Sáme Låhkåmguovdásj oppfyller sitt samfunnsmandat i lulesamiske samfunn og styrker sin tilstedeværelse og virksomhet i det lulesamiske området. Videre ønsker partene å styrke den lulesamiske språkkompetansen ved institusjonene og i samfunnet, og bidra til et løft for lulesamisk språk nasjonalt og internasjonalt. Samarbeidet skal blant annet bidra til etableringen av et eget fagmiljø innenfor samisk læremiddelutvikling i det lulesamiske området, økt tilgjengelighet av lulesamiske læremidler og god kvalitet i lulesamisk språkopplæring i grunnskolen.
Sáme allaskåvllå og Sáme Låhkåmguovdásj støtter faglig og administrativt opp om lulesamisk læremiddel- og kompetanseutvikling, lulesamisk profilskole og andre egnede tiltak som vil bidra til å øke antallet lulesamiske språkbærere. Sámi allaskuvla vil bidra til kompetanseheving og utvikling gjennom å etablere studietilbud lokalt blant annet innenfor lulesamisk språk, læremiddelpedagogikk og duodji.
Árran -julevsáme guovdásj/lulesamisk kultur-og kunnskapssenter har ansvar for lulesamisk museumsdrift og språksentervirksomhet. Partene vil dra nytte av den kompetansen og det nettverket som Árran besitter og Árran vil være en sentral samarbeidspartner for Hábmera suohkan, Sáme allaskåvllå og Sáme Låhkåmguovdásj i utviklingen av tjenester og studietilbud i det lulesamiske området, herunder også tiltak for å styrke lulesamisk læremiddelutvikling.
Et overordnet mål for samarbeidet er å bygge et godt og varig samarbeid og at den kompetansen som bygges opp gjennom ulike deler av samarbeidet, bygges opp lokalt i det lulesamiske språkområdet og forankres organisatorisk hos institusjonene.
